من  وتی  ماتیں   زُبان ءَ  چِہ  کدی بے تران نہ باں
   اچ وتی  شھّدیں  بیان ءَ   چِہ  کدی بے تران نہ باں

   هَر سَتَر   ھُشکیں   منی   ماتیں  وتن  بیل ءُ یلاں
   مکھیں ماتیں بلوچستان ءَ چِہ  کدی بے تران نہ باں

   گنجیں  دریا   ءُ     منی   اِے   مکُران   لاشار مئے
   گُل کِشاریں  مکُران ءَ   چِہ    کدی  بے تران نہ باں

   گوهریں  سیستان  مئے   پُلیں  بلوچستان ءِ زمین
   گُمین ءِ اِے  سیستان ءَ  چِہ کدی بے تران نہ باں

   اِے منی سرحد  ءُ  خاران  ءُ  منی مُلک اِنت ءُ مات
   من وتی سرحد ءُ خاران ءَ چِہ کدی بے تران نہ باں

   ھو  بلوچستان ءِ  راج  دوستیں  من ءَ  چو دیدگ ءَ
   ھِچ  وتی  اِے  اُستمان ءَ  چِہ کدی بے تران نہ باں

   گُمین  ساہ اِنت منی جان اِنت منی جان ءُ جھان
   زِندگاں داں  وتی  جان ءَ  چِہ  کدی بے تران نہ باں

   اِے منی ماتیں وتن باگیں چَمن  واے وتن واے وتن
   رند وتی گوھریں  بولان ءَ  چِہ کدی بے تران نہ باں

   رند بلوچ

                                                                                                                                                                                                                                                                                                                                                                                                                                                                                                                                                 


مشخصات

آخرین ارسال ها

آخرین جستجو ها